نابینا بنجارے

بازارارض پاک ہے یہ۔۔۔یہاں خوں سے جهگڑے مٹتے ہیں۔۔۔انصاف کے دام بهی لگتے ہیں، یہاں کلمے سچّے بکتے ہیں۔۔۔ بک جاتے ہیں یاں رہبر بهی، یہاں بهوکے بچّے بکتے ہیں۔۔۔ ضمیر کے سودے ہوتے ہیں، یہاں اچهے اچهے بکتے ہیں۔۔۔ یہاں زندہ گردے بکتے ہیں، انسانی مردے بکتے ہیں۔۔۔ رشتوں کے کم ہیں مول بہت، ملّا کے فتوے بکتے ہیں۔۔۔تم دام لگا کے دیکهو تو،اک بار بهی یہ نہ سوچیں گے۔۔۔ تم دام لگا کے دیکهو تو، بهائیوں کی کهال بهی نوچیں گے۔۔۔تم دام لگا کے دیکهو تو، غیرت کے صدائیں بیچیں گے۔۔۔تم دام لگا کے دیکهو تو، عورت کی ادائیں بیچیں گے۔۔۔ تم دام لگا کے دیکهو تو، یہ اپنی مائیں بیچیں گے۔۔۔

او خدا!

جب تک نہ ہو خوں لالہ رنگ،

تو خون کی ہولی ہونے دے۔

چولہے میں جهونکی تربیت،

اس قوم کی ماؤں کو سونے دے۔۔۔

آٹے، نان، نمک کے بها‎ؤ، چاہے سب کچھ اپنا بیچ کهاؤ، او شکم پجاری! ہوس کے بندے! مجهے اتنا بس بتاتے جاؤ، تم بیچو گے سب کچھ لیکن، ضمیرمردا کب بیچو گے؟ تم حرص وہوا کب بیچو گے؟ کب بیچو گے طوق غلامی کے؟ یہ زنجیر پا کب بیچو گے؟ کب لو گے ہوش کے ناخن تم؟جہاں واسطے نہیں ہو، غافل تم۔۔۔

اجرام فلکی دیکھ ذرا، دستور ہے یہی ہندوعرب میں،روشن سورج ،مہر تاباں، سب تارے ڈوبتے ہیں غرب میں۔جہاں بیں ہو ،اے کند نظر! جہاں تیرے ہی نام ہے، کج صفوں کو سیدها کر، تو ہی جہاں کا امام ہے، تیرا عشق ہے پتوار تیرا، تو  ناخدا کا نام نہ لے، سجدے میں نہ پڑ غافل ،ابهی تو وقت قیام ہے۔۔۔سجدے میں نہ پڑ غافل، ابهی تو وقت قیام ہے۔۔۔